Hindi mawawala ang KRITIKO ..

Kung meron mang gaganap na kontrabida sa buhay natin, mga kritiko yun. Pare-pareho lang silang naghahanap ng mali sa’yo, ng malalait sa’yo at ng ikagagalit sa’yo pero tandaan mo, nasa iyo pa rin ang huling halakhak. Bida ka sa kwento mo eh. Ikaw at ikaw pa rin ang magdedesisyon kung hahayaan mong iupgrade ka nito o wasakin ka na lang nito basta-basta. Maaaring sobrang sakit ng masabi nila, minsan pa nga below the belt na talaga, pero wag mong hayaang manalo sila. Gawin mo silang parang vitamins mo, pampalakas. Wala naman kasing gamot sa sakit nila na yun.

Sabi nila, kung ayaw mo raw macriticize, do nothing! Speak nothing! and be… NOTHING! Hahayaan mo bang maging kawalan ka para lang walang masabi sa’yo ang iba? Eh kahit naman wala kang ginagawa, huhusgahan ka pa rin eh. Minsan nga, hindi pa nila alam ang pangalan mo, may sasabihin na sila agad sa’yo base sa nakita nila, base sa narinig nila, base sa pananaw nila. Minsan nga iniisip ko, kelangan ko pa bang magpakilala eh alam ko namang magpakilala man ako o hindi, may ihuhusga pa rin sila. Kahit ikaw, kritiko ka rin ng ibang tao. Kahit ako. kahit sino. Ikot-ikot lang. Dapat masanay.